17 октябрьдә Казан ДВМА аудиториясендә Татьяна Барабанова — Round кушымтасы вәкиле (Татарстаннан һөнәри юнәлеш бирү проекты) PROинтерес фестивале кысаларында ВМФның 2 курс студентлары белән квиз үткәрде.

Чара «Дарвин» заманча белем алуны үстерү Фонды тарафыннан «Беренчеләр хәрәкәте» гомумроссия иҗтимагый-дәүләт балалар һәм яшьләр хәрәкәте; Татарстан Республикасы Мәгариф һәм фән министрлыгы; Татарстан Республикасы Яшьләр эшләре министрлыгы һ. б. ярдәме белән оештырылды.

Фестиваль кысаларында 12 карьера трегы ачылды. Студентлар ребуслар чиштеләр, фильмнар, сериаллар һәм мультфильмнар буенча кызыклы сорауларга җавап бирделәр. Барысы да уңай эмоцияләр алды,фестивальнең барлык этапларын уңышлы узды. Җиңүчеләргә истәлекле бүләкләр тапшырылды. Барлык катнашучыларга активлыклары өчен рәхмәт белдерәбез!

PROинтерес — Татарстанда ел саен үткәрелә торган онлайн-һөнәри юнәлеш бирүче фестиваль. Фестивальдә безнең республикада һәм Россиядә булган төрле компанияләр белән танышу, кызыклы биремнәрне үтәү һәм призлар алу мөмкинлеге бар.

Чарада Сбер, Татнефть, Сибур, Билайн, Самолет, КАМАЗ, КАМАТАЕРС, ВТБ, КЖК, Челтәр компаниясе кебек компанияләр катнаша.

Күп санлы һөнәрләр арасында иң күп биремнәр башкарган 150 катнашучы 16-19 ноябрьдә оештыручы хисабына һөнәри юнәлеш бирү сменасына барачак. Дүрт көнлек актив кысаларында компания һәм югары уку йортлары үз эшчәнлекләре турында җентекләбрәк сөйләячәк һәм мастер-класслар үткәрәчәк.