9 ноябрьдә КазДАУның Механизация һәм техник сервис институтында Бөтенроссия студентлар отрядлары слетының авыл хуҗалыгы мәйданчыгы ачылды.

Әлеге вакыйганы оештыручылар — Россия студентлар отрядлары Яшьләр гомумроссия иҗтимагый оешмасы, ТР авыл хуҗалыгы һәм азык-төлек министрлыгы, «Казан дәүләт аграр университеты» югары белем бирү федераль дәүләт бюджет учреждениесе һәм «Н.Э. Бауман исемендәге Казан дәүләт ветеринария медицинасы академиясе» югары белем бирү федераль дәүләт бюджет учреждениесе.

Катнашучылар төрле төбәк бүлекчәләреннән (Мордовия, Якутия, Амур, Хабаровск, Курган, Санкт-Петербург, Кострома, Новосибирск, Бурятия, Воронеж, Омск, Чиләбе, Байкал аръягы, Оренбург, Мәскәү, Кырым, Төмән, Әстерхан, Ростов, Красноярск, Пермь, Диңгез буе, Сахалин РО) төрле авыл хуҗалыгы юнәлешләрендә иң яхшысын билгеләү өчен Казан шәһәренә килделәр.

Чараны Татарстан Республикасы Авыл хуҗалыгы һәм азык-төлек министрлыгының Мәгариф һәм инновацион технологияләр бүлеге башлыгы Ленар Зәйнуллин ачып җибәрде. КазДАУның фәнни эш һәм цифрлы трансформация буенча беренче проректоры Булат Җиһаншин слетта катнашучыларны сәламләде һәм уңышлар теләде. Казан ДВМАнең укыту-тәрбия эше һәм яшьләр сәясәте буенча проректоры Ленар Заһидуллин мондый чаралар студентларга бердәмрәк булырга һәм башка төбәкләрдән яңа дуслар табарга мөмкинлек бирә дигән ышаныч белдерде. «Россия Студентлар отрядлары» яшьләр гомумроссия иҗтимагый оешмасының авыл хуҗалыгы юнәлеше студентлар отряды җитәкчесе Алексей Блюмин студентларга уңышлар теләде һәм нәкъ менә монда студентларның тәҗрибә алмашу мәйданчыкларында, хәрәкәтне камилләштерүгә юнәлдерелгән түгәрәк өстәлләрдә булу, шулай ук слет уздыру шәһәрләренең колоритына үтеп керү мөмкинлеге барлыгын билгеләп үтте.

11 ноябрьдә ябылу тантанасы узачак, анда слетка йомгак ясалачак һәм бөтен Россиядән иң яхшы студентларны бүләкләячәкләр!