19-24 май көннәрендә Казанда «Күпполяр дөньяда китапханә» Бөтенроссия китапханә конгрессы булып узды. Беренче тапкыр Россия делегатларыннан тыш, чарада башка илләр, шул исәптән Кытай, Иран, Һиндстан һәм Сербия вәкилләре катнашты. Барлыгы мең ярымнан артык делегат.

Быел #РБА2024 конгрессы кысаларында күргәзмә якшәмбе көнне үк башланды! Барлык теркәлүчеләрне #РБА_Казанда тулы стендлар һәм кайнап торган тормыш атмосферасы каршы алды. Чара Татарстан Республикасы Хөкүмәте һәм Россия Мәдәният фонды ярдәме белән «Мәдәният» милли проектының «Иҗади кешеләр» федераль проекты кысаларында узды.

Чарада Казан ДВМАнең китапханә мөдире Чулпан Харисова, китапханәче Зөлфия Сафиуллина һәм студентлар абонементы китапханәчесе Гүзәлия Мадышева катнашты..

Конгресс кысаларында 23 майда академиядә уку эше һәм яшьләр сәясәте буенча проректор Ленар Заһидуллин, галим-сәркәтиб Никита Николаев, китапханә

мөдире Чулпан Харисованың «Ай Пи Ар Медиа» компаниясе вәкилләре, IPR MEDIA сату Департаменты җитәкчесе Лада Данилова һәм төп клиентлар белән эшләү буенча әйдәп баручы менеджер Вероника Кондрусева белән очрашуы булды. Очрашуда фондларны IPR SMART ЭБС-тан уку әсбабларын нәтиҗәле комплектлау турында сүз барды. Компания китапханәсендә 165 меңнән артык контент берәмлеге бар, шул исәптән даими рәвештә тулылана торган фәнни басмалар, журналлар һәм мультимедия. Платформада «Ай пи Ар Медиа”, “Профообразование” һәм “Вузовское образование” нәшриятларыннан, шулай ук  махсуслаштырылган нәшрият-партнерлардан эксклюзив китаплар урнаштырылган. Моннан тыш, IPR SMART экосистемасына югары уку йортлары һәм колледжларның тулы белем бирү процессын оештыруга ихтыяҗларын капларга ярдәм итүче берничә ресурс керә.