26 июньдә Казан ДВМАдә  «Токымлы сөт терлекчелеге буенча оешмалар берлегенең 2023 елгы эш нәтиҗәләре һәм 2024-2030 еллар чорына каралган максатларга ирешү һәм бурычларны хәл итү» темасына киңәшмә булып узды.

Татарстан Республикасы Авыл хуҗалыгы һәм азык-төлек министрлыгы оештырган чарада 50гә якын кеше, Татарстан Республикасы Авыл хуҗалыгы һәм азык-төлек министрлыгының район идарәләре җитәкчеләре һәм нәсел хуҗалыклары вәкилләре катнашты.

Киңәшмә алдыннан катнашучылар авыл хуҗалыгы хайваннарын үрчетү, аквакультура, ит һәм сөт продуктларын эшкәртү, сыер саву җиһазлары, терлекчелекне механизацияләү һәм автоматлаштыру һ. б. лабораторияләрдә булдылар.

Сәламләү сүзе белән Татарстан Республикасы Авыл хуҗалыгы һәм азык-төлек министры Марат Җәббаров чыгыш ясады. Ул хайваннарны геном бәяләү дәрәҗәсендә селекция-нәсел эшен оештыруның мөһимлеге турында сөйләде.

«Безнең бурыч – сыерларны экстерьер бәяләү, сөтнең җитештерүчәнлеге һәм сыйфат күрсәткечләре буенча барлык мәгълүматларны җыю, цифрлы профиль ясау һәм геном бәя бирү. Бу киләчәктә сөт фермаларында туган һәр бозауның җитештерүчәнлеген һәм потенциалын фаразларга мөмкинлек бирәчәк», — дип хәбәр итте министр.

Аннары Татарстан Республикасы Авыл хуҗалыгы һәм азык-төлек министры урынбасары Гелюс Баязитов чыгыш ясады. Докладның темасы — сөт юнәлешендәге токымлы хуҗалыкларда селекция эшен камилләштерү юллары һәм проблемалары. Август-Агро ИК ҖЧҖ генераль директорының терлекчелек буенча урынбасары Наталья Козлова таналарны экстерьер бәяләүнең, контроль савуларның һәм сөт сыйфатының әһәмияте турында сөйләде

Йомгаклауда Казан ДВМА ректоры, профессор Рөстәм Равилов катнашучыларга рәхмәт сүзләрен җиткерде һәм студентларны максатчан укытуны оештыруда киләчәктә хезмәттәшлек итүгә өмет белдерде.