Бүген Казан дәүләт ветеринария медицинасы академиясе ректоры, профессор Рөстәм Равилов УТЭ һәм ЯС буенча проректор Ленар Заһидуллин белән бергә Россия Федерациясе Авыл хуҗалыгы министрлыгы карамагындагы мәгариф һәм фәнни оешмалар җитәкчеләре съездында катнаша. Чара Мәскәүнең Тимирязев үзәгендә үткәрелә.

Россия Федерациясе Авыл хуҗалыгы министры Оксана Лут рәислегендә «Аграр мәгарифнең бүгенге мәсьәләләре» темасына пленар утырыш булып узды. Катнашучылар илебездә аграр белем бирүне үстерүнең актуаль мәсьәләләре һәм перспективалары турында фикер алыштылар. Шулай ук Россия Федерациясе Авыл хуҗалыгы министры урынбасары Ксения Шевелкина рәислегендә «Аграр югары белем» һәм «Югары уку йортына кадәрге агротехнологик белем» стратегик сессияләрендә уку процессына заманча технологияләр кертү, белгечләр әзерләү сыйфатын арттыру һәм алдынгы аграр предприятиеләр белән хезмәттәшлек итү кебек мөһим мәсьәләләр буенча фикер алыштылар.

Сессияләрдә катнашучылар үз учреждениеләренең эш тәҗрибәсе белән уртаклаштылар һәм заман таләпләренә туры килә торган белем бирү программаларын формалаштыруда яңа алымнар тәкъдим иттеләр. Фикер алышу темалары арасында шулай ук фән һәм мәгарифне интеграцияләү, цифрлы икътисад өчен кадрлар әзерләү, шулай ук учреждениеләрнең матди-техник базасын яңарту кирәклеге мәсьәләләре дә бар иде.

Мондый чараларны уздыру көнүзәк проблемаларны ачыкларга гына түгел, уртак чишелешләр дә табарга мөмкинлек бирә, бу, һичшиксез, илебезнең аграр мәгарифенең халыкара мәйдандагы позицияләрен ныгытуга ярдәм итә.