18-20 октябрьдә Мәскәүдә Crocus Еxро залларының берсендә Милли ветеринария конференциясе булып узды, анда ветеринария медицинасы факультеты студентлары да катнашты.

 Программаның белем бирү өлешен база, алга киткән һәм махсуслаштырылган өч дәрәҗәдәге лекцияләр тәшкил итә. Укучылар клиник диагностика, дерматология, йогышлы авырулар, реабилитация, гомуми хирургия, репродукция, шулай ук студентлар секциясе һәм урта медицина персоналы хезмәте секциясе лекцияләрендә булдылар.

 Студентлар теоретик яктан да, практик яктан да күп яңа мәгълүмат алдылар. Клиникалар өчен заманча җиһазлар, дару препаратлары һәм рационнар белән таныштылар. Клиник көннәрдә алган күнекмәләрен төрле вакциналар кертү юллары һәм аларның турыдан-туры тәэсире, төрле антисептик чаралар белән эшкәртү турында белемнәре белән ныгыта алдылар, атопик дерматит, вак йорт хайваннары өчен төрле вируска каршы препаратлар турында күбрәк белделәр.

 Шулай ук студентлар пассив һәм актив дренажлар, аларны куллану турында мәгълүмат алдылар. Клиник очракларны тикшерделәр, анда әйдәп баручы белгеч  кайчан нинди дренаж кулланылганын һәм пациент аны урнаштырганнан соң нинди кайгыртуга мохтаҗ булуын җентекләп аңлатты.