16 ноябрьдә Казан дәүләт ветеринария медицинасы академиясе ректоры, профессор Рөстәм Равилов Казан дәүләт аграр университетының агробиотехнологияләр һәм җирдән файдалану институтында «ФосАгро» белем бирү үзәген ачуда катнашты.

Тантанада Статс-секретарь — Россия Федерациясе Авыл хуҗалыгы министры урынбасары Максим Увайдов, Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров, «ФосАгро» ААҖ генераль директорының сату, маркетинг һәм логистика буенча урынбасары Михаил Стеркин, Татарстан Республикасы Фәннәр академиясе президенты Рифкать Миңнеханов, Казан ДАУ ректоры Айрат Вәлиев һ. б. катнашты.

Очрашуда шулай ук РФА һәм ТР Фәннәр академиясе галимнәре, укытучылар, студентлар катнашты. Тантананы ачып, Максим Иосифович «һәр аграр югары уку йорты территориясе, бу инде Россия территориясе» булуын билгеләп үтте.  ФосАгро компаниясенә рәхмәт белдереп, ул аның эшчәнлегенең әһәмиятен уку сыйныфларын заманча җиһазлар белән тутыруда гына түгел, ә бу дөнья компаниясенең әйдәп баручы белгечләре белән хезмәттәшлектә эшләнгән күпсанлы лекцияләрдә дә икәнен ассызыклады. Шулай ук ул Татарстан Республикасы җитәкчелеге тарафыннан Казан ДАУ һәм Казан ДВМАга  тулай торакларны, яңа уку-җитештерү үзәкләрен төзү һәм ремонтлауда күрсәтелгән  ярдәмнең  мөһимлегенә басым ясады, федераль үзәктән ярдәм вәгъдә итте.

Марат Җәббаров үз чиратында федераль үзәккә дә, ФосАгро компаниясенә дә рәхмәт сүзләрен җиткерде, хәзерге шартларда объектларның әзерлек сыйфатына аерым әһәмият бирде. Михаил Стеркин үзенең чыгышында «ФосАгро  инновацион кампания өчен студентларны сыйфатлы әзерләүгә акча кертү» мөһим булуын билгеләп үтте. ТР Фәннәр академиясе президенты Рифкать Миңнеханов билгеләп үткәнчә, «барысы да кадрлардан башлана», шулай ук ФосАгроның иң яхшы фәнни-тикшеренү үзәкләре булуын, технологияләрнең  тиз үзгәрүен һәм алар артыннан өлгерергә кирәклеген ассызыклады. Ул аспирантларны стартапларда актив катнашырга чакырды.

Казан дәүләт аграр университеты ректоры Айрат Вәлиев билгеләп үткәнчә, «без хәзер 160 ел элек игенчелек кадрларын әзерли башлаган бинада. Бүген, вакыт таләпләренә туры килерлек итеп, индустриаль партнерлар белән хезмәттәшлектә, бу традицияне сакларга кирәк». Ул ФосАгрога нәтиҗәле хезмәттәшлеге өчен аерым рәхмәт белдерде.

Төбәкнең фәнни җәмәгатьчелеге һәм җитештерү вәкилләреннән котлаулар белән РФА әгъза-корреспонденты Сәлимҗан Шәрипов, «Идел буе Мелиоводхоз идарәсе» ФДБУ директоры Марс Хисмәтуллин чыгыш ясады.

Сәламләү сүзләреннән соң, Казан дәүләт аграр университеты ректоры Айрат Вәлиевка «ФосАгро»белем бирү үзәгенең символик ачкычын тапшыру тантанасы булды.

Чарада катнашучылар һәм хөрмәтле кунаклар Казан дәүләт аграр университетының агробиотехнологияләр һәм җирдән файдалану институты студентлары һәм укытучылары белән аралаштылар.