13 декабрьдә Казан ДВМА ректоры, профессор Рөстәм Равилов делегация составында «Корстон» ДТРКда узган «Татарстан Республикасы өчен иң яхшы 50 инновацион идея» еллык конкурсында җиңүчеләрне бүләкләү тантанасында катнашты.

Конкурсның гомуми приз фонды 7 млн сумнан артык. 125 финалист бүләкләр һәм акчалата бүләкләр алды. Бүләкләүдә Татарстан Республикасы рәисе Рөстәм Миңнеханов һәм Татарстан премьер-министры Алексей Песошин катнашты.

ТР Инвестиция-венчур фонды директоры Дамир Галиев билгеләп үткәнчә, быел конкурста катнашу өчен стартаплардан, галимнәрдән һәм аспирантлардан, студентлардан һәм мәктәп укучыларыннан 2 023 гариза бирелде. Иң күп гаризалар «Инновацияләр старты», «Социаль әһәмиятле инновацияләр» һәм «Мәгарифтә инновацияләр» номинацияләрендә бирелгән. Безнең төп бурычларның берсе — идеяләрне, инновацион проектларны хуплау, аларны тормышка ашыруда һәм алга таба да үстерүдә ярдәм итү.

«Татарстан Республикасы өчен илле иң яхшы инновацион идея» конкурсы 2005 елдан бирле үткәрелә, оештыручылар — ТР Инвестиция-венчур фонды, ТР Фәннәр Академиясе һәм ТР Мәгариф һәм фән Министрлыгы. 19 ел эчендә фондка 29 меңнән артык гариза килгән, 2,5 меңнән артык гариза бирүче җиңүче булган. Аларның күбесе, авыл хуҗалыгыннан алып медицинага кадәр төрле тармакларда уңышлы эшли. Проектлар тәкъдим ителгән иң популяр тармаклар: авыл хуҗалыгы, экология һәм азык-төлек сәнәгате (21%), мәгълүмати-телекоммуникация системалары (15%) һәм мәгариф (10%).

Экспертлар советы Татарстанның фәнни-техник, икътисади, социаль һәм гуманитар үсеше мәсьәләләрен хәл итүгә юнәлдерелгән проектларны карады. Бүләкләү тантанасында инновацион стартаплар һәм студент проектлары тугыз номинация буенча акчалата бүләкләр алды:

• перспектива;
• мәгарифтә инновацияләр;
• инновацияләрне башлау;
• наноимпульс;
• цифрлы икътисад;
• ел патенты;
• яшьләр инновацион проекты;
• Милли технология инициативасы проектлары;
• социаль әһәмиятле инновацияләр.

Казан ДВМАсеннән җиңүчеләр:

• «Инновацияләр старты» номинациясендә профессор Олег Якимов, доцент Радий Папаев, 3 ел уку аспиранты Карина Гайнетдинова һәм 3 курс студенты Юлия Вострикова;

• «Ел патенты»  номинациясендэ  доцент Дамир Хайруллин, доцент Рифат Хисамов һәм аспирант  Никита Масленников;
•  «Наноимпульс» номинациясендә  2 ел уку аспиранты Роман Ундалов.

Җиңүчеләргә бүләкләрне конкурсның партнерлары: «Связьинвестнефтехим» ААҖ, «Ак Барс» Банк» ААҖ, «Химград» ААҖ, «Югары технологияләр өлкәсендә Технопарк «ИТ-парк» ДАУ тапшырдылар.

Чара барышында шулай ук күргәзмә булып узды. Анда узган елларда Идея-1000 инновацион проектлар программасында җиңгән стартаплар, Татарстанда һәм аннан читтә үз идеяләрен тормышка ашыручы акселерация-2023 программасында катнашучылар үз проектларын тәкъдим иттеләр.