9 февральдә Казан ДВМА ректоры, профессор Рөстәм Равилов Татарстан Республикасы (ТР) Фәннәр Академиясендә узган Россия фәне көненә багышланган тантаналы чарада катнашты.

Россия Федерациясе Фән һәм югары белем министры Валерий Фальков әлеге чараның хөрмәтле кунагы булды.

Чара башланганчы Рөстәм Миңнеханов, Валерий Фальков һәм башка кунаклар Татарстан Республикасы Фәннәр Академиясенең тармак бүлекчәләренең фәнни проектлары белән таныштылар, Россия фәне көненә һәм Татарстан Республикасында фәнни-технологик үсеш елына багышланган экспозицияне карадылар.

Рөстәм Миңнеханов, тантаналы җыелышта катнашучыларны сәламләп, ТР Фәннәр Академиясенең Республика фәнни-техник сәясәтен гамәлгә ашыру өчен җаваплылык үзәге булуын искәртте. Шулай ук Рөстәм Миңнеханов Татарстан фәнни җәмәгатьчелегенең үз казанышлары белән горурланыр өчен бөтен мөмкинлекләр барлыгын билгеләп үтте. Аннары Татарстан Раисе республиканың фәнни-технологик үсеш елын ачык дип игълан итте.

Рөстәм Миңнеханов һәм Россия Федерациясе Фән һәм югары белем министры Валерий Фальков фәнни — технологик үсеш өлкәсендәге казанышлары өчен Татарстан фәнни берләшмәсе вәкилләренә Россия Федерациясе һәм Татарстан Республикасы дәүләт бүләкләрен тапшырдылар.

Югары квалификацияле белгечләр әзерләүгә зур өлеш керткән һәм күпьеллык нәтиҗәле фәнни-педагогик эшчәнлеге өчен Татарстан Республикасы Рәисенең 23.09.2023 елгы 672 номерлы Указы нигезендә Казан ДВМА ректоры, профессор Рөстәм Равилов «Фидакарь хезмәт өчен» медале белән бүләкләнде.