24 декабрьдә икътисад, оештыру, менеджмент һәм мәгълүмати технологияләр кафедрасында «Яшь фермер» интеллектуаль уены булып узды.

Чарада өч команда — ике факультет вәкилләре катнашты, алар студентлар фәнни түгәрәге кысаларында АПКда кече эшмәкәрлек (КФХ) булдыру һәм үстерү кафедрасы укытучылары җитәкчелегендә бизнес-проектлар эшләделәр.

Уенда катнашучылар — яшь фермерлар үзләренең бизнес-проектларын, реклама плакатларын тәкъдир иттеләр, жюриның гына түгел, көндәшләре һәм кафедра укытучылары сорауларына да җавап бирделәр. Чараны алып баручы һәм оештыручы, кафедра мөдире Илгиз Мадышев бизнес-планга гына түгел, авыл хуҗалыгы кооперациясенә дә кагылышлы ситуацион сораулар бирде, аларга уенчылар җавап бирергә тиеш иде.

Биотехнология һәм стандартлаштыру факультеты деканы Рифат Хисамов, ветеринария медицинасы факультеты деканы урынбасары Рубин Каюмов һәм студентларның фәнни-тикшеренү эшләре рәисе, доцент Анастасия Васильева жюриның мактаулы әгъзалары булдылар. Жюри уздырыла торган уенның актуальлеген һәм тәкъдим ителгән бизнес-проектларның югары сыйфатлы булуын билгеләп үтте. Уенда катнашучыларның барысы да дипломнар алды. Котлыйбыз һәм алга таба җиңүләр һәм яңа биеклекләргә ирешүләрен телибез!