4 майда Н.И. Лобачевский исемендәге премиягә дәгъва кылучы студентларның фәнни эшләре ачык конкурсында җиңүчеләрне бүләкләү тантанасы булды.

Конкурс Россия Федерациясе территориясендә урнашкан югары белем бирү оешмалары һәм фәнни эшчәнлек белән актив шөгыльләнүче һөнәри белем бирү учреждениеләре укучылары арасында үткәрелә.

Конкурсны Татарстан Республикасы Яшьләр эшләре министрлыгы һәм Татарстан Республикасы яшь галимнәр һәм белгечләр Региональ яшьләр иҗтимагый хәрәкәте ярдәме белән «Татарстан Республикасы Студентлары лигасы» Региональ яшьләр иҗтимагый оешмасы оештыра.

Конкурс 16 секция буенча уздырылды, аларда 430 укучы катнашты.

Конкурс көндезге һәм читтән торып этапта уздырылды. Безнең академиядән 41 гариза бирелде, шуларның 15е «Ветеринария һәм авыл хуҗалыгы» секциясендә көндезге этапта катнашты.

Конкурс нәтиҗәләре буенча «Ветеринария һәм авыл хуҗалыгы» номинациясендә ветеринария медицинасы факультетының 5 курс студенты Динә Җапасбатова (фәнни җитәкчесе – доцент Гүзәл Шаламова) җиңүче булды. “Фәнгә беренче адымнар” өстәмә номинациясендә ВМФның 2 курс студенты Екатерина Головкова (фәнни җитәкчесе – доцент Надия Касанова) билгеләп үтелде.

Җиңүчеләрне һәм фәнни җитәкчеләрне котлыйбыз, ә барлык катнашучыларга фән өлкәсендә уңышларга ирешүләрен телибез!